Аудандардағы уақытша комиссия отырысы



Үстіміздегі жылы маусымда Шиелі ауданы әкімдігінің мәжіліс залында Шиелі ауданы әкімі Әшім Оразбекұлының төрағалығымен облыстық мәслихат депутаттары,облыстық мәслихат аппаратының басшысы, облыстық дене шынықтыру және спорт басқармасының басшысы, аудандық мәслихат хатшысы, «Нұр Отан» партиясының аудандық филиалы төрағасының бірінші орынбасары, аудандық мәслихат депутаттары, аудандық спорт үйірмелерінің басшылары мен мекеме басшыларының қатысуымен облыстық мәслихаттың уақытша комиссиясының отырысы болып өтті. Күн тәртібінде «аудан көлеміндегі бұқаралық спорттың жағдайы мен оны жетілдіру жолдары» туралы мәселе қаралды. Отырыс барысында аудан бойынша 22 338 адам спорттың 20 түрімен шұғылданатындығы ұлттық және бұқаралық спортты дамыту, насихаттау мақсатында үстіміздегі жылдың басынан бері 67 аудандық,

5 облыстық, 1 республикалық іс-шара өткізілгені айтылды. Дене шынықтыру және спортты дам
ыту бағытында ауданда 2 стадион, 2 спорт кешені, 37 спортзал, 121 спорт алаңдары жұмыс жасайды. Онда 22 338 спортшылар спорттың 20 түрімен шұғылданады. Ендігі жерде, Шиелі ауданы, Талаптан ауылдық округіндегі №10 Шиелі ауданының балалар-жасөспірімдер спорт мектебін олимпиадалық резевтің мамандандырылған жасөспірімдер спорт мектебіне ауыстыру және Қызылорда облыстық дене шынықтыру және спорт басқармасының баланысына өткізу жұмыстарын жүргізу мәселесі ұсынылып, назарға алынды.

Ал, Жаңақорған ауданында өткен уақытша комиссия отырысында аудандағы бұқаралық спорттың даму қарқыны айтылды. Бүгінде кентте және 26 елді мекенде 32 спорт нұсқаушылары жұмыс жасап, 5 220 тұрғын спортпен шұғылданады. Қазіргі таңда ауданда тұрғындарға қызмет көрсететін спорт ғимараттар саны 312 бірлікті құрап отыр. Оның ішінде; 1 стадион,1 дене шынықтыру-сауықтыру кешені, 1 ипподром, 52 спорт зал, 17 тир ату бөлмесі, 22 ыңғайластырылған спортпен шұғылданатын қосымша бөлмелер, жазықтықтағы спорт құрылғылары саны 218. Сонымен қатар, аудан орталығында 1989 жылы салынған орталық стадионның жарамсыз болуына байланысты бұзылып, жаңадан салынуға ЖСҚ дайындалған. Ендігі жерде стадионның құрылысына облыстық бюджеттен қаржы бөлуге ықпал жасау сұралды. Отырыс барысында көтерілген мәселелер назарға алынды

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика